باكرهك عشان باحبك

باكرهِك عشان باحبِّك

مش ح اكتب شِعر فيكى

مش قايل أىّ كلام

مش ح اوصِف لون عينيكى

ولا راح اعِدِّ الأيام

مش ح اسهَر طول الليل

ولا افكَّر فى اللى فات

ولا ح ابكى واقول مواويل

ده الحُبّ ف قلبى مات

أنا قلت صحيح باكرهِك

بس ما كُنتِش أعنيها

لو عايزانى أفكّرك

دى «باحبِّك» عايش بيها

خلاص فُكِّى التكشيره

وخلِّى الخناقات دى تفوت

ده انا مِن غيرِك يا أميره

أتمنَّى إنِّى أمـوت

أحمد عادل عيّاد

مدينة نصر – القاهرة

الخميس، 28 إبريل 2011

حوالى 8.30 صباحًا

ودى أول خناقه...